ЗАМОНАВИЙ ЭКЗОГЕН ХАВФ ОМИЛЛАРИ ВА ЭРКАКЛАР ФЕРТИЛЛИГИНИНГ ПАСАЙИШИ: РИВОЖЛАНИШ МЕХАНИЗМЛАРИ ВА ПРОФИЛАКТИКА ИМКОНИЯТЛАРИ

Болтаев Феруз Ғайрат ўғли

Бухоро давлат тиббиёт институти, Бухоро, Ўзбекистон

Keywords: эркаклар репродуктив тизими, экзоген омиллар, бепуштлик, оксидловчи стресс, эндокрин бузувчилар, сперматогенез.

Abstract

Долзарблиги. Сўнгги ярим асрда эркаклар репродуктив саломатлигининг барқарор пасайиши жаҳон миқёсида жиддий муаммога айланди. Айрим маълумотларга кўра, ғарб мамлакатларида сперма концентрацияси 1973–2011 йиллар оралиғида тахминан 50–59% га камайган, йиллик пасайиш эса ўртача 1,4% ни ташкил этади. Бу тенденцияни фақат ирсият, семизлик ёки турмуш тарзи билан изоҳлаб бўлмайди: бепуштлик ҳолатларининг салмоқли қисми (тахминан 40%) идиопатик бўлиб қолмоқда, бу эса эътибордан четда қолаётган экзоген ва касбий омилларнинг ролини кўрсатади.